شفتو البورة شن بتسوي

[size=24]
حالة إشراقه
تنسي الدنيا وأحزانا الحلوة أم عيون براقة
شايلة قلوبنا في عيونا واتاري عيونا حراقة
تشوفنا وتتغابى عرفتنا وللنظرة عيونا سراقة
قاصدة تفارق أحضانا وتقول الدنيا الدنيا فراقة
تلمحنا وتقيف مع غيرنا تسقينا الغيرة ومذاقة
ويطول ليلنا سهرانين متين يا حلوة نتلاقى
مثقفة متعلمة خجولة براها بتوصف بتوصف اخلاقة
يوم شفناها بعيونا في حفلة تحت في أوراقة
تشيل وتوزع البسمات تزيد النار في اسواقة
تصاحب دا وتشوكش دا شوف البنية طباقة
حكاوي حزينة تحكيها تخلي دموعك رقراقة
من جواها عليك ضحكت يالمسكين لبست اطواقة
خلاص وقعت في ريدا والباقي بعرفو عشاقة
تاه في وشها المكياج ومسكينة اللبانة طق طاقة
تتبختر زي جنى الوزين وهدوما عليها لزاقة
بتعرف كم سواق ركشة ضحكها كتير ونقناقة
ياأخوانا البورة تب حارة والعجب حالة إشراقة

اهلا بود الخير ياخطير قصيدة حلوة . من رأسك ولا من كراسك ؟

البورة بتعمل العجب وبتوريك الهلال في رجب .